ഹൃദയത്തിൽ നീ കോറിയിട്ട
വാക്കുകളാണ്
മുന്നോട്ടോടാൻ
ശക്തിയേകിയത്……
മരുപ്പച്ച തേടി അലഞ്ഞതും
മരീചികയാണെന്നറിഞ്ഞതും
ഇവിടെ
സത്യമെന്ന വാക്കു പോലും
മിഥ്യയിൽ ഒളിച്ചിരിക്കുന്നതും
കഥയറിയാതെ ആട്ടം കാണുന്നവരും
കളി കണ്ട് രസിക്കുന്നവരും
കിട്ടിയ വേഷങ്ങൾ മനോഹരമായി
ആടുന്നവരും ഇവിടെ….
അവസാന ശ്വാസം നിലക്കുന്നതും കാത്ത്….
ചിതയൊരുക്കി
കാത്തിരിക്കുന്നവരും ,
സ്വയം ഒടുങ്ങുന്നവരും ഇവിടെ….
ഇതാണ് ജീവിതമെന്ന മരീചിക…
ഇവിടെയാണ് ഞാൻ എന്ന
മിഥ്യ –
ജനന മരണ സത്യങ്ങളായ്
മാറ്റപ്പെടുന്നത്….
നീ കോറിയിട്ട് പോയ വഴിയിൽ
നിന്നെയും കാത്ത് കിടപ്പുണ്ട്
മരുപ്പച്ചയില്ലാത്ത
ഞാനെന്ന മരീചിക…
No comments:
Post a Comment