മൊഴി

ആളുകളുടെ ബഹളം കേട്ടാണ് കണ്ണുകൾ തുറക്കാൻ ശ്രമിച്ചത്…. ശക്തിയോടെ തുറന്നിട്ടും കണ്ണുകൾ എന്തേ അടഞ്ഞ് പ്പോകുന്നു……. ശരീരം ആകെ ഒരു മരവിപ്പ്……. എന്താണ് സംഭവിച്ചത്?????? ഒന്നും മനസിലാകുന്നില്ല…..

ആരോ തന്നെ തട്ടി വിളിക്കുന്നതു പോലെ… ഇത്തിരി പ്രയാസപ്പെട്ട് തന്നെ കണ്ണുകൾ തുറന്നു… രാക്…. Dr. രാകേഷ്…. തന്റെ പ്രിയ മിത്രം… അല്ല തന്റെ പറയാതെ പറഞ്ഞപ്രണയം….. രക്തത്തിൽ കുളിച്ചിരിക്കുന്നു അവൻ……. അപ്പോഴേയ്ക്കും സഞ്ചരിച്ച കാർ കത്തി തുടങ്ങിയിരുന്നു… മരത്തിലിടിച്ച കാറിൽ നിന്ന് രേണുകയും രാകേഷും പുറത്തേക്ക് തെറിച്ച് വീഴുകയായിരുന്നു….

ഇടിയുടെ ആഘാതമായിരിക്കാം….. രാകേഷിന്റെ തലയിലൂടെ രക്തം ഒലിച്ചിങ്ങുന്നുണ്ട്….ഈ കാഴ്ച്ച രേണുവിന് സഹിക്കാവുന്നതിനും അപ്പുറമായിയിരുന്നു.. ഒന്നുറക്കെ കരയാൻ പോലും കഴിയാത്ത വിധം, താൻ തളർന്നിരിക്കുന്നു… കാര്യമായ പരിക്കുകൾ ഇല്ലാത്തതു കൊണ്ടാവാം എല്ലാവരുടേയും ശ്രദ്ധ രാകേഷിലാണ്…

പിന്നെ എല്ലാം പെട്ടന്നായിരുന്നു…. ഭയജനകമായ ശബ്ദത്തോടെ ആബുലൻസ് ഇരുവരെയും കൊണ്ട് പറന്നു….. മെഡിക്കൽ കോളേജിലേയ്ക്ക്.. തങ്ങളുടെ പറയാതെ പറഞ്ഞ പ്രണയം ഉറങ്ങുന്ന അതേ കോളേജിലേക്ക്.. ഇടയ്ക്ക് വെച്ച് രേണു രക്തം ശർദ്ധിച്ചതോടെ Mobile ICU ലെ ഡോക്ടർ പരിഭ്രാന്തിയിലായി…. മെല്ലെ അവളുടെ കണ്ണുകൾ അടയാൻ തുടങ്ങി… കാറ്റിന്റെ ഗതിക്ക് അനുസരിച്ച് മാത്രം, സഞ്ചരിക്കുന്ന അപ്പൂപ്പൻ താടിയെ പോലെ അവളുടെ മനസ്സ് പറന്നുയർന്നു:…. അപ്പോഴും അവളുടെ നാവിൽ ഒരേ ഒരു മന്ത്രമായിരുന്നു….. രാക് ….. എന്റെ രാക്

(തുടരും)